Azərbaycanın süd məhsulları sahəsində lider brendi olan “Milla”, beynəlxalq bazarlarda yeni bir zirvəyə imza ataraq, Gürcüstan bazarında uğurla yerini möhkəmləndirir. Artıq bu ilin əvvəlindən etibarən, “Milla” məhsulları "Carrefour", "Spar", "Goodwill" kimi tanınmış supermarket zəncirlərində Gürcüstan istehlakçılarına təqdim olunur. Bu uğur, “Milla” brendinin məhsulları ilə xarici bazarlarda rəğbət qazanmaq məqsədini bir addım irəli aparır.
"Milla Dairy" şirkətinin direktoru Azər Vahabzadə bu nailiyyəti belə ifadə edib:
“Milla” brendimizin Gürcüstan bazarında yerini möhkəmləndirməsi, təkcə “Milla” üçün deyil, həm də Azərbaycan məhsullarının beynəlxalq rəqabət qabiliyyətinin artması baxımından əhəmiyyətlidir. Biz inanırıq ki, məhsullarımız Gürcüstanda da müştərilərin sevgisini qazanacaq.”
“Milla” Gürcüstan bazarında hazırda beş əsas kateqoriyada 30-dan çox məhsul təqdim edir və bu rəngarəng çeşidlə müştəri bazasını sürətlə genişləndirir. Şirkət müxtəlif zövqləri nəzərə alaraq, keyfiyyəti ilə seçilən süd məhsulları və yoqurtlarla rəflərdə özünəməxsus yer tutur.
Noyabr ayından başlayaraq “Milla” brendi Gürcüstan bazarında genişmiqyaslı marketinq kampaniyasına start verib. “Möhürü tap, keyfiyyəti tap” şüarı ilə həyata keçirilən kampaniya vasitəsilə, məhsulların yüksək keyfiyyət standartları barədə istehlakçılara ətraflı məlumat çatdırılır. Bu təşəbbüs, təkcə bazar payını artırmaqla kifayətlənmir, həm də “Milla” məhsullarını Gürcüstanda keyfiyyət simvoluna çevirir.
“Milla” məhsulları Gürcüstan bazarına sürətlə inteqrasiya olunaraq, alıcılar tərəfindən yüksək qiymətləndirilir. Keyfiyyət, ləzzət və müasir standartlara uyğunluq “Milla” brendini qonşu bazarda unikal edir. Şirkət, qarşıdakı dövrdə mövqeyini daha da gücləndirməyi və Gürcüstan istehlakçılarının ilk seçiminə çevrilməyi hədəfləyir.
2011-ci ildən fəaliyyət göstərən “Milla”, yerli bazarda ən geniş çeşidli süd məhsulları ilə tanınır. Hazırda şirkət 100-dən çox məhsul istehsal edir və yaxın gələcəkdə gündəlik çiy süd emalı gücünü 400 tona çatdırmağı hədəfləyir. Bu uğur, təkcə “Milla”nın deyil, həm də Azərbaycanın qeyri-neft ixrac portfelinin zənginləşməsi və ölkə brendlərinin tanıdılması baxımından mühüm əhəmiyyət kəsb edir.
