Meksikanın Tabasko ştatında həbsxanada baş verən iğtişaşda 2 məhkum həyatını itirib.
E-huquq.az Meksika mətbuatına istinadən xəbər verir ki, ştatın Kreset şəhərində bəzi məhbusların başqa həbsxanaya köçürülməsi iğtişaşlara səbəb olub.
Hadisələr zamanı 2 məhbus həyatını itirib, yaralananlar da var.
Dövlət Təhlükəsizlik katibi Viktor Hüqo Çaves mətbuata verdiyi açıqlamada polisin həbsxanada təhlükəsizliyi təmin etmək üçün əməliyyat keçirdiyini bildirib.
Əməliyyat zamanı çoxlu sayda silah, kəsici alətlər və partlayıcı materiallar ələ keçirilib.
Məhkumlar müxtəlif mebel və zibilləri yandırıblar.
Məhbusların yaxınları məlumat almaq üçün həbsxananın qarşısına toplaşıblar.
Şəbnəm Mehdizadə
