ABŞ Federal Aviasiya Administrasiyası (FAA) Nyu-York ştatında kritik infrastruktur üzərində pilotsuz uçuş aparatlarının (PUA) uçuşlarını məhdudlaşdırmağı planlaşdırır.
"Reuters" bu barədə ştatın qubernatoru Keti Hoçula istinadən məlumat yayıb.
"FAA Nyu-Yorkun bəzi kritik infrastrukturu üzərindən uçuşlara müvəqqəti məhdudiyyətlər qoymağı planlaşdırır",- deyə Hoçul qeyd edib.
Onun sözlərinə görə, bu məhdudiyyətin tətbiqi ehtiyat tədbirləri üçün zəruridir. Hoçul onu da əlavə edib ki, ictimai və ya milli təhlükəsizliyə heç bir təhdid müəyyən edilməyib. O, Konqresi ştatlara və hüquq-mühafizə orqanlarına PUA əleyhinə tədbirlər həyata keçirmək səlahiyyəti verəcək qanunvericiliyi təsdiq etməyə çağırıb.
