"Barselona"nın futbolçusu Rafinya komandanın uğursuz oyunları haqda danışıb.
Teleqraf.com xəbər verir ki, 28 yaşlı braziliyalı vinger ESPN-ə açıqlamasında deyib:
"Səviyyənin düşməsinin səbəbi bizik. Elə də yaxşı oynamadıq. Bəzi vacib anlarda konsentrasiyamız az idi, bu da oyunun nəticəsində özünü göstərdi. Desəm ki, xal itirdiyimiz oyunlarda yorğun deyildik, yalan olar".
Rafinya bu mövsüm Kataloniya klubunun heyətində 24 oyuna çıxaraq 17 qol vurub və 10 məhsuldar ötürmə edib.
Qeyd edək ki, "Barselona" La Liqanın son 6 oyununda cəmi 1 qələbə qazanıb, 2 dəfə heç-heçə edib və 3 məğlubiyyətlə üzləşib. Hazırda komanda turnir cədvəlində 38 xalla liderdir. Eyni xal sayı olan "Atletiko" ikinci, 37 xalı olan "Real" isə üçüncü yerdədir.
Müəllif: Teleqraf.com
