Şeffild Universitetinin alimləri müəyyən ediblər ki, şəkər bütün dünyada kişi və qadınlarda saç tökülməsinin ən çox yayılmış səbəblərindən biri olan irsi saç tökülməsini müalicə etməyə kömək edir.
Sfera.az xəbər verir ki, bu barədə tədqiqat "Frontiers in Pharmacology" (FP) jurnalında dərc olunub.
Kişi tipi keçəllik və ya androgenetik alopesiya əhalinin 40%-ni təsir edir. Bu günə qədər bu problemi müalicə etmək üçün yalnız iki dərman təsdiq edilib; minoksidil və finasterid. Ancaq minoksidil hər kəsə kömək etmir və finasterid ciddi yan təsirlərə səbəb olur.
Dezoksiriboza orqanizmdə təbii olaraq mövcud olan və DNT-nin formalaşmasında mühüm rol oynayan şəkərdir. Təcrübələr zamanı məlum olub ki, siçanların yaralarına tətbiq edildikdə tüklər daha tez sağalır.
Bu müşahidə alimləri araşdırmalarını davam etdirməyə ruhlandırıb və onlar daha sonra testosteron səviyyəsinin artması nəticəsində yaranan keçəllikdən əziyyət çəkən siçanlar üzərində təcrübə aparıblar. Keçəllik bölgələrinə gündəlik olaraq deoksiribozlu bir gel tətbiq olunub və bir neçə həftədən sonra saçların tam bərpası qeyd edilib və saçın özü daha qalın və uzun olub. Eyni zamanda, yeni gelin mövcud dərmanlardan heç də az təsirli olmadığı ortaya çıxıb.
"Araşdırmamız göstərir ki, saç tökülməsinin həlli düşündüyümüzdən daha sadə ola bilər", - tədqiqatın müəlliflərindən biri olan mühəndis Şeyla MakNeil bildirib. "Saç follikullarına qan tədarükünü yaxşılaşdırmaq və saç böyüməsini stimullaşdırmaq üçün deoksiribozdan istifadə etmək kifayətdir"Ş- o əlavə edib.
Bununla belə, elm adamları bunun başlanğıc olduğunu və deoksiribozanın insanlarda saç tökülməsini müalicə etmək üçün necə istifadə oluna biləcəyini daha yaxşı başa düşmək üçün əlavə tədqiqatlara ehtiyac olduğunu vurğulayırlar.
İnci
