Musa peyğəmbərin göstərişlərini ehtiva edən qədim lövhə hərracda 5 milyon dollara satılıb.
Milli.Az xarici mediaya istinadən xəbər verir ki, Nyu-Yorkda "Sotheby's" hərracında üzərində Musa peyğəmbərin 10 əmri ilə əlaqəli yazılar olan unikal mərmər lövhə 5 milyon dollar (8.5 milyon manat) qiymətə satılıb.
Eramızın 300-800-cü illəri arasında yaradıldığı təxmin edilən lövhə 1913-cü ildə İsrailin Yavne şəhəri yaxınlığında arxeoloqlar tərəfindən aşkar edilib. Mətn, qədim yəhudi əlifbası ilə yazılıb və Musa peyğəmbərin əmrlərinin samaritan versiyasını təqdim edir.
Maraqlısı budur ki, lövhədə Allahın adını boş yerə çəkməyi qadağan edən üçüncü ayə yoxdur, amma Qrizim dağının əhəmiyyəti vurğulanıb.
