İsmayıllıda avtomobil qəzası baş verib.
NOCOMMENT.az apa-ya istinadən xəbər verir ki, hadisə gecə saatlarında İsmayıllının Qurbanəfəndi kəndi istiqamətində baş verib.
İlkin məlumatlara əsasən, “Mercedes” markalı avtomobil yoldan çıxaraq aşıb.
Hadisə nəticəsində Oğuz rayon sakinləri – 2000-ci il təvəllüdlü Rəşidov Səfər Etibar oğlu və digər Oğuz rayon sakini 2000-ci il təvəllüdlü Şükürlu Şükür Araz oğlu dünyasını dəyişib.
Digər iki nəfər 1997-ci il təvəllüdlü Rəhimli Orxan Mehman oğlu və 1988-ci il təvəllüdlü İsmayıllı sakini Allahverdiyev Tural Eldar oğlu müxtəlif dərəcəli bədən xəsarətləri ilə rayon mərkəzi xəstəxanasına çatdırılıb.
Faktla bağlı araşdırma aparılır.
