İsrailin Qəzza zolağına son 24 saat ərzində endirdiyi zərbələr nəticəsində azı 50 nəfər ölüb. SİA xəbər verir ki, bu barədə Qətərin “Əl-Cəzirə” telekanalı məlumat yayıb.
İsrail ordusu Xan-Yunisin qərbində, Əl-Məvasi bölgəsində köçkünlərin olduğu çadır düşərgəsini atəşə tutub.
Qəzza zolağının şimalında yerləşən Kamal Advan xəstəxanası güclü atəşə tutulub.
Anklavın Səhiyyə Nazirliyinin məlumatına görə, 2023-cü ilin oktyabrında hərbi əməliyyatların başlanmasından bu yana İsrailin Qəzza zolağında keçirdiyi hərbi əməliyyatlar nəticəsində 45,2 mindən çox fələstinli həlak olub, 107,6 mindən çoxu isə yaralanıb.
