Amerikalı aktyor Denzel Vaşinqton gözlənilməz addım atıb.
OLAY “Today” nəşrinə istinadən yazır ki, 69 yaşlı sənətçi keşiş oldub.
Məlumatda bildirilib ki, Denzel, vəftiz olunub və ruhani lisenziyasını alıb.
Mərasim Nyu-Yorkun Harlem şəhərində yerləşən Məsihdəki Allahın Kelli Məbədi Kilsəsində baş tutub. Eyni zamanda, İsa Şərqi Nyu-Yorkdakı Allahın Birinci Yurisdiksiya Kilsəsi xidməti “Facebook”da canlı yayımlayıb.
“Bir həftədən sonra 70 yaşım olacaq. Bir az çəkdi, amma buradayam”, - deyə Vaşinqton bildirib.
Aktyor bundan əvvəl də Hollivudda dindarların az olmasına baxmayaraq, dinə münasibətindən, inanclarına möhkəm əməl etməsindən danışıb.
Qeyd edək ki, D. Vaşinqton iki dəfə Oskar mükafatı laureatıdır və daha əvvəl “Qladiator 2” filmindəki ikinci plan roluna görə “Qızıl Qlobus” mükafatına namizəd olub. Mükafatlandırma mərasimi yanvarın 5-də baş tutacaq.
