Elfida, Yollarda Bulurum Seni, Aşkın Mapushane, Sevenler Ağlarmış kimi mahnıları ilə adından söz etdirən məşhur müğənni Haluk Levent sinəsindəki ağrılar səbəbindən xəstəxanaya yerləşdirilib. SİA Türkiyə məbuatına istinadən xəbər verir ki, məşhurun sağlamlıq durumu angioqrafiyadan sonra müəyyənləşəcək. Müğənni xəstəxanada müşahidə altında saxlanılır. Ehtiyat tədbiri olaraq müşahidə altında olan Haluk Leventin vəziyyəti sabah səhər angioqrafiyadan sonra müəyyənləşəcək. Həkimi vasitəsilə pərəstişkarlarına qorxulu bir şeyin olmadığı mesajını çatdıran Haluk Leventin sağlamlıq durumu bir neçə gün ərzində bəlli olacaq.
