"Zirə"nin qolkiperi Aydın Bayramov Sportal.az saytına müsahibə verib.
- "Zirə" ili qələbə ilə başa vurdu. Komanda "Səbail"lə görüşdə qalib gəlməyi bacardı. Həmin görüşdəki qələbəni necə şərh edərdin? Səncə, komanda istədiyi performansı göstərə bildi?
- "Səbail"ə qarşı matç ağır oldu. Buna da hazır idik. Həm rəqib, həm meydança amili bizə çətinliklə yaradırdı. Bilirdik ki, qələbə bizi üçüncü pilləyə daha da yaxınlaşdıracaq. Şükürlər olsun ki, istədiyimiz nəticəni qazanmaq alındı.
- "Zirə" sezonun ilk yarısını 4-cü pillədə başa vurdu. Bu nəticə sizi razı saldı, yoxsa ən azından ilk üçlükdə olmağı istəyirdiz?
- Təbii ki, nə qədər yuxarı pillədə qərarlaşsaq, bizim üçün o qədər yaxşı olardı. Amma bu da pis nəticə deyil. Qarşıda hələ iki dövrə var. Mübarizəmizi sona qədər davam etdirəcəyik.
- Komandan üçün mövsümün ilk yarısını necə dəyərləndirirsən? Mövsümə avrokuboklardan başlamışdınız. Bu, komandanın daxili liqada daha yaxşı çıxış etməsinə kömək oldu, yoxsa daha çox yorucu və fiziki baxımdan problem yaratdı?
- Əlbəttə, bu bizə kömək oldu. Bəli, ola bilər. Bu, bizdə hansısa epizodlarda yorğunluq gətirdi. Ancaq liqada bu bizə çox kömək oldu.
- "Zirə" avrokuboklara qələbə ilə başladı, qələbə ilə də başa vurdu. “Şerif” qələbəsindən “Omoniya” qələbəsinə qədər olan macəra necə alındı sizin üçün? Səncə, yeni sezon avrokuboklara düşəcəyiniz təqdirdə, ən azından yenidən pley-off mərhələsinə qədər gələ bilərsiz? Ən azından daha təcrübəli olmusuz artıq…
- Bunun üçün çalışırıq. İstəyirik ki, bu da davamlı olsun. Çünki dediyiniz kimi, çox maraqlı macəra idi. Hamımız bunu yaşadıq. Belə deyək də, bunu nə olduğunu gördük. Amma bunu hər il yaşamaq istəyirik.
- Ötən mövsümü "Zirə" ikinci pillədə başa vurmuşdu. Bu mövsüm isə “Qarabağ”dan sonrakı pillələri “Araz-Naxçıvan” və “Turan-Tovuz” tutub. Bu sezon ötən sezondan daha çətin alınır?
- Bəli, bu sezon ötən mövsümlə müqayisədə daha çox ağırdır. Klublar daha təcrübəlidir. Üstəlik, daha çox komplektləşib. Hər oyun, hər xal uğrunda ağır mübarizə gedir. Asan oyun yoxdur. Bizim öz məqsədimiz var və bunun uğrunda da oynayırıq.
Mirbağırağa
saytlarin hazirlanmasi
