Xəbər verdiyimiz kimi, "Azərbaycan Hava Yolları"na məxsus Bakı-Qroznı reysi ilə uçan sərnişin təyyarəsi Qroznı şəhərinə yaxınlaşarkən Rusiyanın "Pantsir-S" hava hücumundan müdafiə sistemi tərəfindən atəşə tutulduğu ilə bağlı iddialar yayılıb.
Ajans.az-ın verdiyi xəbərə görə, təyyarənin vurulduğu anın görüntülərini əks etdirən videolar yayılıb. Hadisə anını əks etdirən videoda təyyarənin qanadının zədələndiyi açıq şəkildə görünür. Videoya əsasən təyyarənin sol qanadı zədələnib və təyyarə həmin vəziyyətdə uçur.
Qeyd edək ki, "Azərbaycan Hava Yolları"na məxsus Bakı-Qroznı reysi ilə uçan sərnişin təyyarəsi Qroznı şəhərinə yaxınlaşarkən Rusiyanın "Pantsir-S" hava hücumundan müdafiə sistemi tərəfindən vurulduğu barədə "Caliber.az" redaksiyası məlumat yayıb. Hadisənin səbəbləri və təfərrüatları ilə bağlı araşdırmalar davam edir.
Xatırladaq ki, "Pantsir-S" sistemi qısa mənzilli hava hücumundan müdafiə kompleksi olub, əsasən dronlar, helikopterlər və digər hava hədəflərinə qarşı istifadə edilir. Bu cür insidentlərin baş verməməsi üçün hava məkanında koordinasiyanın və məlumat mübadiləsinin əhəmiyyəti bir daha vurğulanır.
