Norveçdən Hollandiyaya uçmaq üçün havaya qalxan bir sərnişin təyyarəsi təcili eniş etdiyi zaman uçuş-enmə zolağından çıxıb.
Hollandiya Kral Hava Yolları (KLM) tərəfindən verilən məlumata görə, təyyarə Oslo Hava Limanından Amsterdam istiqamətinə havalandığı zaman yüksək bir səs eşidildikdən sonra Sandefyord Hava Limanına yönləndirilib.
Təcili eniş zamanı “Boeing 737-800” tipli təyyarə uçuş-enmə zolağından çıxaraq otluq əraziyə sürüşüb. Təyyarədə olan 176 sərnişin və 6 ekipaj üzvünün xəsarət almadığı bildirilərkən hadisə ilə bağlı araşdırmaya başlandığı qeyd olunub.
Norveç mətbuatında yer alan məlumatlara görə, təyyarə hidravlik sistemində yaranan nasazlıq səbəbilə təcili eniş edib.
