“White Lotus” serialının ulduzu Aubrey Plazanın əri, rejissor və ssenarist Ceff Baena intihar edib.
Publika.az xəbər verir ki, 47 yaşlı rejissorun meyiti yanvarın 3-də səhər saatlarında Los-Ancelesdəki evlərdən birində tapılıb.
Baş verənlərin təfərrüatları açıqlanmır.
Baena Mayamidə doğulub böyüyüb. Daha sonra Nyu-York Universitetinin kino məktəbini bitirib, Los-Ancelesə köçüb.
O, “Sevgilin zombidirsə”, “Kovboy qız”, “Joshi”, “Kiçik saatlar” və s. filmlərin rejissoru olub.
Baena və Plaza 2021-ci ildən evlidirlər.
"Ailə vicdan əzabı çəkir və bu çətin dövrdə məxfilik tələb edir", - "Deadline" yaydığı məlumatda qeyd edilib.
