2024/2025-ci illər mövsümünün ikinci hissəsinə Türkiyədə hazırlaşan “Turan Tovuz”un yoxlama oyunlarındakı rəqibləri bəlli olub.
Arena.az xəbər verir ki, bu barədə Tovuz klubunun mətbuat xidməti məlumat yayıb.
Xəbərdə bildirilir ki, Kurban Berdıyevin rəhbərlik etdiyi kollektiv yanvarın 9-da Rumıniya təmsilçisi “Qloriya Buzau” ilə qarşılaşacaq. Oyun yerli vaxtla saat 17:00-da başlayacaq.
İkinci oyun yanvarın 12-də baş tutacaq. Özbəkistan təmsilçisi “Paxtakor”la qarşılaşma da yerli vaxtla saat 17:00-da start götürəcək.
Xatırladaq ki, “Turan Tovuz” bu qış fasiləsində ölkə xaricinə üz tutmuş yeganə Azərbaycan klubudur. Əyalət təmsilçisi mövsümün geridə qalmış 18 turunda topladığı 32 xalla Azərbaycan Premyer Liqasının yarış cədvəlində 3-cü pillədə qərarlaşıb.
