Bakı, 8 yanvar, AZƏRTAC
Almatı Beynəlxalq Hava Limanında yağan qar səbəbindən bir neçə reys təxirə salınıb.
AZƏRTAC Kazinform agentliyinə istinadla xəbər verir ki, yanvarın 8-də hava şəraitinin əlverişsiz olması, o cümlədən qarın yağması və dumanla əlaqədar bir sıra reyslərdə gecikmələr yaranıb.
Yerli hidrometeorologiya idarəsi ölkənin 14 rayonu, eləcə də Astana və Almatı şəhərlərində sərt hava şəraiti ilə bağlı xəbərdarlıq edib.
