Türkiyənin tanınmış yazıçılarından olan Selim İleri 75 yaşında vəfat edib.
Oxu24.com Türkiyə KİV-nə istinadən xəbər verir ki, ötən gün səhhətində problem yaranan yazıçı xəstəxanaya yerləşdirilib və axşam saatlarında dünyasını dəyişib.
Selim İleri “Dostlukların son günü”, “Uzak hep uzak” və “Yaşarken ve ölürken” əsərləri ilə tanınıb.
O həm də ssenarist kimi fəaliyyət göstərib. İlerinin ssenaristi olduğu, 1981-ci ildə ekranlaşdırılan “Kırık bir aşk hikayesi” filmi “İlin ən yaxşı ssenarisi” mükafatına layiq görülüb.
