ABŞ-ın Oklahoma ştatının məhkəməsi qətlə görə 48 il həbs cəzası yaşayan 71 yaşlı Qlin Simmonsa bəraət verib.
“İki sahil” xəbər verir ki, bu barədə “Associated Press” məlumat yayıb.
Agentlik məhkəmənin hakimi Emi Palumbodan sitat gətirib: “Məhkəmə konkret və inandırıcı dəlillərə əsaslanaraq müəyyən edib ki, qətl hadisəsi Simmons tərəfindən törədilməyib”.
Qeyd edək ki, amerikalı 1975-ci ildə ölüm cəzasına məhkum edilib, 1977-ci ildə isə onun cəzası ömürlük həbslə əvəz olunub. Simmons 48 il 1 ay 18 gün həbsdə yatıb ki, bu, ABŞ tarixində ədalət səhvinin qurbanı üçün ən uzun cəzadır. Onun dövlətdən 175 min dollar məbləğində təzminat tələb etmək hüququ var.
