Rusiyanın Afinadakı səfirliyinə içərisində naməlum toz olan şübhəli zərf göndərilib.
Yeniavaz.com xəbər verir ki, bu barədə Yunanıstanın ERT telekanalı məlumat yayıb.
Bildirilir ki, Psixiko rayonu ərazisində yerləşən səfirliyin binasına polis və təcili yardım xidmətləri çağırılıb.
Rusiyanın Afinadakı səfirliyindən TASS-a bildirilib ki, diplomatik missiyanın əməkdaşları üçün heç bir təhlükə yoxdur:
“Səfirlik əməkdaşlarının həyatı və ya təhlükəsizliyi üçün heç bir təhlükə olmayıb”.