1 fevral 2024-cü il tarixində Bakı Fond Birjasının (BFB) Listinq Komitəsinin qərarı ilə BOKT "İnternational" ASC-nin AZ2011021022 İSİN kodlu 1 milyon manat və AZ2012021021 İSİN kodlu 1 milyon manat olan istiqrazları standart bazar seqmentində listinqə daxil edilib.
Marja.az Birjanın yaydığı məlumata istinadən xəbər verir ki, qeyd olunan istiqrazların yerləşdirilməsi Bakı Fond Birjasında rəqabətli hərrac üsulu ilə həyata keçiriləcəkdir.
Yerləşdirmənin başlanmasına ən azı 2 iş günü qalmış hərracın baş tutacağı tarix BFB-nin internet səhifəsində investorlara açıqlanacaqdır.
Yerləşdirmə üzrə anderrayter “PAŞA Kapital İnvestisiya Şirkəti” QSC-dir.
Faizli, təmin edilməmiş, sənədsiz, adlı istiqrazların cəmi sayı 2000 ədəd, hər birinin nominal dəyəri 1000 manat, illik faiz dərəcəsi 18%, tədavül müddəti 60 ay, kupon faizlərinin ödəniş müddəti 30 gündən birdir.
Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.
