UZUNÖMÜRLÜLƏRİN QANINDAN GÖRÜN NƏ TAPILDI

İnsanın sadə bir qan testi ilə 100-ə çatma şansını proqnozlaşdıra bilən ən əhatəli araşdırmaya görə, yüzilliklər 60-dan sonra qlükoza, kreatinin və sidik turşusu səviyyələrinə daha az meyllidirlər.
Tribunainfo.az İndependent-ə istinadən xəbər verir ki, araşdırmaya görə, 100 yaşını tamamlayanların qlükoza, kreatinin və sidik turşusu dəyərləri 60 yaşlarında olanlara nisbətən daha aşağı olub.
“GeroScience” elmi jurnalında dərc edilən araşdırma, 1893-1920-ci illər arasında doğulmuş insanların qanındakı müxtəlif molekulların səviyyələrini ölçmək və izləmək üçün bu günə qədər edilən ən əhatəli araşdırmadır.
Tədqiqatçılar, o cümlədən Karolinska İnstitutunun alimləri 1985-1996-cı illər arasında klinik sınaqdan keçmiş və 2020-ci ilə qədər izlənilən 44.500-dən çox isveçlinin qan molekulları haqqında məlumatları qiymətləndiriblər.
Onlar xüsusilə 1893-1920-ci illər arasında anadan olmuş, qan nümunələri ilk dəfə yoxlanıldığı zaman 64-99 yaşlarında olan insanlara diqqət yetiriblər və 100 yaşa yaxınlaşdıqca onları izləyiblər.
Təhlil nəticəsində maddələr mübadiləsi və iltihabla, həmçinin qaraciyər və böyrək funksiyası ilə əlaqəli 12 qan əsaslı molekul aşkar edilib ki, bu da əvvəlki tədqiqatlarda yaşlanma və ya ölümlə əlaqələndirilir.
Bu molekullara maddələr mübadiləsinin göstəricisi kimi ümumi xolesterin və qlükoza, iltihab səviyyəsinin göstəricisi kimi sidik turşusu, qaraciyərin sağlamlığının göstəricisi kimi fermentlər və böyrək sağlamlığının göstəricisi kimi kreatinin daxildir.
Tədqiqatçılar həmçinin qanda albumin və dəmir səviyyələrinə də baxıblar.
Qaraciyər fermenti və albumin istisna olmaqla, bütün digər molekulların insanın 100 yaşına çatma ehtimalı ilə əlaqəli olduğu aşkar edilmişdir. Ümumi xolesterin və dəmir səviyyəsi yüksək olanların, aşağı səviyyəlilərə nisbətən 100 ildən çox yaşamaq ehtimalı daha yüksəkdir.
Bununla belə, qlükoza, kreatinin, sidik turşusu və qaraciyər fermentləri kimi molekulların aşağı səviyyələri 100 yaşdan yuxarı yaşamaq şansı ilə əlaqəlidir.