“Rəsmi Vyana NATO ilə əməkdaşlığı artırmaqla alyansa üzv olmaq niyyətində deyil”.
NOCOMMENT.az xəbər verir ki, Avstriyanın xarici işlər naziri Aleksandr Şallenberq belə deyib. Onun sözlərinə görə, Avstriya digər neytral dövlətlərlə – İrlandiya, Malta və İsveçrə ilə məlumat mübadiləsi qurur.
Xatırladaq ki, “Die Presse” qəzeti Avstriya, İrlandiya, Malta və İsveçrədən ibarət dörd neytral Avropa dövlətindən ibarət bir qrupun 2023-cü ilin sonunda Şimali Atlantika Alyansına geniş əməkdaşlıq təklifi ilə məktub göndərdiyini bildirib.
Nəşrin məlumatına görə, Finlandiya və İsveç NATO-ya daxil olduqdan sonra bu dövlətlər dörd Qərbi Avropa tərəfdaşı kimi quruplaşmaq niyyətindədirlər.
