"Sabah" İvan Lepinitsa ilə müqavilə bağladı

Yeni mövsüm üçün transfer çalışmalarını davam etdirən "Sabah" heyətini yeni futbolçu ilə gücləndirib. Sport24.az xəbər verir ki, xorvatiyalı dayaq yarımmüdafiəçisi İvan Lepinitsa ilə 3+1 illik müqavilə imzalanıb.
 
24 yaşlı futbolçu Xorvatiyanın "Slaven Belupo" klubundan transfer edilib. İvan futbolçu karyerası ərzində Xorvatiyanın "Rieka" (2018-2023), həmçinin icarə əsasında bu ölkənin "Zadar" (2018/19), Almaniyanın "Arminiya" (2022/23) klublarında çıxış edib. Lepinitsa 2023-cü ildə "Rieka"dan "Slaven Belupo"ya keçib. Futbolçu Xorvatiya millisinin U-19, U-20 və U-21 komandalarının da şərəfini qoruyub.
 
Qeyd edək ki, İvan "bayquşlar"ın heyətində 13 nömrəli formada çıxış edəcək.