Transfer çalışmalarını davam etdirən "Sabah" Basketbol Klubu sıralarını daha bir legioner ilə gücləndirib.
Klubdan Bakıvaxtı.az-a verilən məlumata görə, ABŞ-li basketbolçu DeAndre Uilyams FIBA Çempionlar Liqasında mübarizə aparacaq paytaxt təmsilçisinin heyətinə cəlb olunub.
206 sm boya malik basketbolçu ilə 2 illik müqavilə imzalanıb.
27 yaşlı oyunçu T1 Liqasında mübarizə aparan "Taiwan Beer Leopards" klubunda çıxış edib.
DeAndre Uilyams 2020-2023-cü illər aralığında öz ölkəsində NCAA 1-ci divizionunda iştirak edən "Memphis Tigers" klubunda oynayıb.
