Dövlət Miqrasiya Xidməti yanında İctimai Şuranın üzvləri mütəmadi olaraq təşkil etdikləri monitorinq səfərlərinin davamı olaraq növbəti dəfə Xaçmaz və Quba şəhərlərində olublar.
Səfər çərçivəsində Şura üzvləri Xaçmaz regional miqrasiya idarəsinin fəaliyyəti ilə yaxından tanış olublar. Onlara regional idarənin əhatə etdiyi rayonlarda əcnəbi və vətəndaşlığı olmayan şəxslərin hüquqlarının müdafiəsi və onların ölkə ərazisində qanuniləşdirilməsi istiqamətində görülən işlər, elektron xidmətlər, mütəmadi təşkil edilən səyyar xidmətlər, keçirilən maarifləndirmə tədbirləri və digər fəaliyyət istiqamətləri barədə məlumat verilib.
Həmçinin Şura üzvləri Quba “ASAN Xidmət” mərkəzində ümumi işin təşkili, burada göstərilən miqrasiya xidmətləri ilə tanış olublar. Onlara mərkəzin fəaliyyət istiqamətləri və təşkil olunan işin müxtəlif aspektləri barədə ümumi məlumat verilib, üzvləri maraqlandıran sualları cavablandırıblar.
