Azərbaycanın İtaliyadakı Mədəniyyət Mərkəzinin 2025-ci il üçün böyük tədbirlər planı hazırlanıb.
"Report"un Romaya ezam olunmuş əməkdaşı xəbər verir ki, bunu İtaliyadakı Azərbaycan Mədəniyyət Mərkəzinin direktoru müavini Gülnar Tağızadə jurnalistlərə açıqlamasında deyib.
O bildirib ki, 2022-ci ildə Mədəniyyət Mərkəzi fəaliyyətə başladıqdan sonra silsilə tədbirlər keçirilib:
"Əlavə olaraq tələbələr üçün açıq qapı günləri keçirilib. Artıq 2025-ci il üçün də böyük tədbirlər planı hazırlanıb. Biz Mədəniyyət Mərkəzi olaraq İtaliya-Azərbaycan mədəni əlaqələrinə töhfə verməyə davam edəcəyik. Azərbaycan mədəniyyəti çox zəngin olduğu üçün Mərkəzimizə tələb çoxdur. Buraya azərbaycanlı tələbələrlə yanaşı italiyan tələbələr də gəlirlər".
