Uqandanı Paris Olimpiadasında təmsil edən yüngül atlet, iki gün əvvəl sevgilisi tərəfindən yandırılan Rebekka Çepteqei müalicə aldığı xəstəxanada vəfat edib.
Axar.az xarici mediaya istinadən xəbər verir ki, bu barədə idmançının müalicə aldığı xəstəxanadan məlumat verilib.
Məlumatda qeyd olunub ki, Rebekka Çepteqei xəstəxanaya qəbul edilərkən onun bədəninin 75%-i yanmış vəziyyətdə olub və həkimlərin bütün səylərinə baxmayaraq, onun həyatını xilas etmək mümkün olmayıb.
