“Sky Sports”un məlumatına görə, Formula 1-də çıxış edən RB komandası 2025-ci il mövsümü üçün yeni pilotunun adını Azərbaycan qran-prisindən əvvəl elan edə bilər. Bununla da Yuki Tsunodanın komanda yoldaşının kim olacağı bilinəcək.
“RB-də sürücülərin heyəti Azərbaycan qran-prisinə qədər açıqlanacaqmı? Hamımız bunu gözləyirik. Daniel Rikkardo da bunu etiraf etdi. Hər kəs gələn il RB-də Liam Lousonun Yuki Tsunodanın yoldaşı olacağını gözləyir”, – deyə tanınmış ekspert Ted Kravitz vurğulayıb.
Xatırladaq ki, Azərbaycan qran-prisi sentyabrın 13-dən 15-dək baş tutacaq.
