Azərbaycanın minifutbol üzrə “AzNur” və “Birbaşa Bakı” komandaları bu gün Çempionlar Liqasında mübarizəyə start veriblər.
Arena.az verir ki, Polşanın Varşava şəhərində keçirilən yarışda ilk olaraq meydana C qrupunda qərarlaşan “AzNur” komandası çıxıb.
Rəcəb Fərəczadənin komandası Fransanın “Les Piopio” klubunu 2:1 hesabı ilə məğlub edib.
E qrupunda qərarlaşan Azərbaycan çempionu “Birbaşa Bakı”nın ilk rəqibi isə İspaniyanın “Malaqa” klubu olub. Sözügedən komanda ilk sınağında məhsuldar heç-heçəyə razılaşıb. Komandamız 2:0 hesabı ilə önə keçsə də, üstünlüyü qoruya bilməyib.
Çempionlar Liqası
5 sentyabr
C qrupu
“AzNur” – “Les Piopio” (Fransa) 2:1
Qollar: Böyükağa Quliyev, 2. Raqif Eyvazov, 12 – Vinsent Minbielle, 17.
E qrupu
“Birbaşa Bakı” – “Malaqa” 2:2
Qollar. Cəfər Cəfərzadə, 12. Elvin Əlizadə, 13 – Pablo Aguero, 20 Oskar Fernandes, 30.
