Müxalifətin və bəzi KİV-lərin hərəkətləri Slovakiyanın baş naziri Robert Fikoya qarşı sui-qəsdin təkrarlanmasına səbəb ola bilər.
HİT.az xəbər verir ki, bu barədə Slovakiya hökumətinin başçısı əvvəllər güllələndiyi Slovakiyanın Qandlova şəhərinə işgüzar səfəri zamanı bildirib.
"Mən bu sui-qəsd cəhdinə görə yox, müxalifət və bəzi media nümayəndələrinin etdiklərinə görə travma aldım", deyə Fiko bildirib.
Baş nazir əlavə edib ki, müxalifət və media belə bir tarixin təkrarlanmasına səbəb ola biləcək bir atmosfer yaradır. O, çox qorxduğunu qeyd edib.
Baş nazir həmçinin qeyd edib ki, şəhərə hökumətin iş proqramı çərçivəsində gəlib, çünki bu bölgənin dəstəyə ehtiyacı var.
Mayın 15-də 71 yaşlı yazıçı Juraj Cintula hökumətin Qandlova şəhərindəki iclasından sonra Fikonu bir neçə dəfə güllələyib. Hücum edən şəxs hadisə yerində saxlanılıb, baş nazir tez bir zamanda xəstəxanaya aparılıb və orada bir neçə əməliyyat keçirib.
Samir
