23 yaşlılardan ibarət milli komandalar arasında təşkil olunacaq minifutbol üzrə Dünya Çempionatının püşkatma mərasimi keçirilib.
Fanat.Az xəbər verir ki, turnirdə mübarizə aparacaq Azərbaycanın U-23 millisinin də rəqibləri müəyyənləşib.
Rəcəb Fərəczadənin rəhbərlik etdiyi yığmamız B qrupunda çıxış edəcək. Azərbaycan millisi Kolumbiya, Slovakiya və İraq komandaları ilə mübarizə aparacaq.
Xatırladaq ki, Xorvatiyada təşkil ediləcək minifutbol üzrə U-23 dünya çempionatı oktyabrın 7-də start götürəcək.
