Arxeoloqlar eramızın IV əsrində Roma İmperiyasının sərhəddində ölmüş "barbar"ın məzarını aşkar ediblər.
Qaynarinfo "The Independent"ə istinadən xəbər verir ki, 60 yaşlarında olan bu adam 1700 il əvvəl saxsı və şüşə qablar, incə dişləri olan kiçik daraq kimi qiymətli əşyalarla birlikdə dəfn edilib.
Tədqiqatçılar dəfnləri Almaniyanın Ştutqart şəhərindən 65 km şərqdə yerləşən Herstetten kəndində evlərin tikintisi zamanı aşkar ediblər.
Onların fikrincə, məharətlə hazırlanmış qəbir taxta kameraya qoyulub və görkəmli, tənha yerdə basdırılıb.
Romalılar german tayfalarını hərfi mənada "fərqli danışan insanlar" mənasını verən "barbarlar" adlandırıblar. Bu termini imperiya ərazilərindən kənarda yaşayan qeyri-Roma xalqları üçün də istifadə ediblər.
Arxeoloqlar deyirlər ki, bu adam böyük ehtimalla Yuxarı Reyn çayında yaşayan alman tayfalarına mənsubdur. V əsrin sonlarında alman "barbar"ları cənubda Qərbi Roma İmperiyasını işğal edib və onun süqutuna səbəb olublar.
IV əsrdən VIII əsrə qədər olan dövr Avropada böyük sosial-iqtisadi və mədəni dəyişikliklər dövrü olub. Lakin etibarlı yazılı sübut olmadığı üçün onun haqqında az şey məlumdur.
"Barbar" qəbiristanlıqlarının arxeoloji tədqiqatları müasir Avropa cəmiyyətinin əsasını qoyan Miqrasiya Dövrü adlanan bu dövr haqqında dəyərli məlumatlar verir, əvvəllər bir neçə erkən alman qəbirləri aşkar edilib.
İndiyə qədər aşkar edilən məzarların əksəriyyəti Almaniyanın cənub-qərbində, Fransa və İsveçrə ilə həmsərhəd olan Baden-Vürtemberq əyalətində yerləşir.
Arxeoloqlar daha çox məzarın tapılmasının tarixin bu dövrünə daha çox işıq salacağını bildiriblər.
Ştutqart Regional Şurasının açıqlamasında deyilir: "Dəfnin aşkar edildiyi Bismarkştrassedə qazıntılar mayın əvvəlində türbənin tapılmasından bir həftə sonra tamamlanıb"
Ərazidən tapılan iki keramika qab Ştutqart Regional Şurası yanında Abidələrin Mühafizəsi üzrə Dövlət İdarəsi tərəfindən bərpa edilib.
Qəbirdən radiokarbon təyini üçün götürülən qabırğa onun eramızın 263-342-ci illəri arasında öldüyünü təsdiqlənib.
Aydın
