“30-dan çox ölkə BRİKS-in işində iştirak etmək arzusunu ifadə edib”.
İqtisadiyyat.az TASS-a istinadən xəbər verir ki, bunu Rusiya Prezidenti Vladimir Putin assosiasiya ölkələrinin təhlükəsizlik məsələləri üzrə yüksək səviyyəli nümayəndələrinin iclasında bildirib.
“Bu gün artıq 30-dan çox ölkə, daha dəqiq desək, 34 dövlət bu və ya digər formada assosiasiyamızın fəaliyyətinə qoşulmaq arzusunu ifadə edib”, - dövlət başçısı bildirib.
O əlavə edib ki, Rusiya BRİKS-in hazırkı sədri kimi birgə işlərin təşkilinə məsuliyyətlə yanaşır.
Putin Rusiyanın BRİKS-ə sədrliyi planının 70%-dən çox yerinə yetirildiyini də vurğulayıb. Ümumilikdə 150-yə yaxın tədbir, sənaye forumları keçirilib, əksər ekspert və nazir görüşləri baş tutub.
Xatırladaq ki, hazırda BRİKS-ə Misir, Efiopiya, İran, BƏƏ və Səudiyyə Ərəbistanı daxildir. Türkiyə də qoşulmaq üçün ərizə təqdim edib.
