Narkobaron Pablo Eskobar tərəfindən ölkəyə ilk dəfə təqdim edilən invaziv begemotların populyasiyası ilə mübarizə üçün davam edən səylərin bir hissəsi olaraq Kolumbiya məhkəməsi heyvanların ovlana biləcəyini və ovlanmasının lazım olduğunu bildirən bir qərar verib.
Poliqon xəbər verir ki, bu barədə "ABC News" məlumat yayıb.
Kundinamarka inzibati məhkəməsinin Kolumbiyanın Ətraf Mühit Nazirliyinə "növləri məhv etmək üçün tədbirləri nəzərdə tutan fərmanı" qəbul etmək üçün üç ay vaxtının olduğunu, bu tədbirlərin "nəzarətli ov və sterilizasiyanı əhatə etməsi" lazım olduğunu bildirib.
"Begemotların vətəni Kolumbiya deyil, onlar ölkəyə 1980-ci illərdə məşhur kolumbiyalı narkobaron Pablo Eskobar kokain pulunun bir hissəsini öz mülkündə müxtəlif ekzotik heyvanların, o cümlədən dörd begemotun yerləşdiyi zoopark yaratmaq üçün istifadə etmək qərarına gələndə gəliblər", deyə materialda bildirilir.
Nəşr qeyd edir ki, 1993-cü ildə Eskobar öldürülən zaman mülkdə olan heyvanların çoxu zooparklara göndərilib və ya ölüb, lakin begemotlar məhv edilməkdən yayına biliblər. O vaxt bunun çox problem olduğu düşünülmürdü: səlahiyyətlilər, onların təbii yaşayış yeri olmadığını nəzərə alaraq, öləcəklərini güman edirdilər.
"Əvəzində onlar çiçəkləndilər - indi begemotların sayı 170-ə yaxındır. Əgər onları öz başına buraxsalar, 2039-cu ilə qədər sayları 1418-ə çata bilər. Hakimlərin fikrincə, bu, ölkənin ekoloji tarazlığına təhlükə yaradır", deyə nəşr qeyd edir.
Müəlliflər yazır ki, əsas problemlərdən biri yaxınlıqdakı göl və çaylarda güclü gübrə rolunu oynayan begemot nəcisidir. Nəticə budur ki, içindəki bakteriyalar və yosunlar populyasiya bumu yaşayır ki, bu da həm zərərli yosunların çiçəklənməsinə, həm də suya arxalanan digər orqanizmlər üçün oksigen və qida çatışmazlığına səbəb ola bilər.
"Onlar digər canlılara, o cümlədən insanlara təsir edə biləcək xəstəliklər və parazitlərə sahib ola bilərlər, baxmayaraq ki, ikincisi ilə bağlı əsas narahatlıq daha çox begemotların aqressiv olmasıdır. İndiyədək Kolumbiya hakimiyyəti işğalçı heyvanlarla mübarizə aparmaq üçün bir neçə cəhd etdi", deyə nəşr yazıb.
Aydın
