Cənubi Koreyanın Rusiya bazarını tərk edən LG brendi yeni “Ohui” ticarət markasını ölkədə qeydiyyatdan keçirmək üçün Rospatentə müraciət edib.
Valyuta.az xəbər verir ki, bu barədə məlumat idarənin elektron məlumat bazasında dərc olunub.
Müraciətdən belə çıxır ki, yeni brend altında kosmetika və ətir istehsalı nəzərdə tutulur.
Ərizə sentyabrın 6-da verilib, lakin şöbə onu yalnız indi dərc edib.
2024-cü ilin fevralında “Kommersant” qəzeti yazıb ki, Cənubi Koreya istehsalçısı LG, eləcə də Bosch və Sony bazarı tamamilə tərk etməzdən əvvəl Rusiya markalı mağazalarda qalan məhsulları satmağa başlayıblar. Nəşrin məlumatına görə, “xüsusi hərbi əməliyyat” nəticəsində yeni məhsulların tədarükü çətinləşdiyi üçün brendlər pərakəndə satış məntəqələrini tərk ediblər.
Nicat
