Avqustun 29-da pop mədəniyyətinin ən görkəmli simalarından olan Maykl Ceksonun 66 yaşı tamam olacaqdı. 15-dən çox Qremmi, yüzlərlə başqa mükafat və əfsanəvi "ay gəzintisi" ilə amerikalı müğənni istədiyi hər şeyə sahib idi. Bəs ölümündən sonra irimiqyaslı var-dövləti kimə qaldı?
Hafta.az-ın yazdığına görə, pop ulduzu Ledi Qaqa Maykl Ceksonun paltarlarını yığır. O, kumirinin paltarlarını muzey eksponatları kimi xüsusi temperatura malik ayrıca otaqda saxlayır. Müğənninin ilk alışlarından biri 2012-ci ildə Ceksonun 55 əşyadan ibarət kolleksiyası olub. Belə ki, ilk Bad dünya turundan olan pencək və yüz minlərlə dollar dəyərində Svarovski kristalları ilə bəzədilmiş ağ əlcəklər indi Ledi Qaqaya məxsusdur. Bir neçə il əvvəl o, şəxsi kolleksiyasında müğənninin 400-ə yaxın əşyasının olduğunu demişdi. Həmin vaxt Qaqanın onun şərəfinə muzey açmağı planlaşdırdığı haqda məlumatlar yayılmışdı.
Maykl Ceksonun 2011-ci ildə çəkilmiş "Thriller" klipində geyindiyi qırmızı-qara pencək hərraca çıxarılacaq. Məhz 1983-cü ildə onun klipi musiqi tarixində ən bahalı klip oldu - yarım milyon dollar. Məşhur pencəyi tanınmış Hollivud dizayneri Deborah Nadulman-Landis hazırlayıb. Texaslı birja treyderi Milton Verrett məşhur gödəkçəni hərracda 1,8 milyon dollara yekun təkliflə alır.
Maykl Cekson kimi ulduzların avtoqrafları, xüsusən də ölümündən sonra qızıl dəyərindədir. Yəni min dollardan bir neçə yüz min dollara qədər. Fanatlar və kolleksiyaçılar bütün dünyada avtoqraf axtarırlar. Suvenir - avtoqraf, foto və sair əldə etmək hər kəsə nəsib olmur. Rusiya ulduzları arasında Maykl Ceksonun avtoqrafının xoşbəxt sahibi bir müddət əvvəl sevincini izləyiciləri ilə bölüşən müğənni Lüsi Çebotinadır.
Maykl Ceksonla əlaqəli ən bahalı əşyalardan biri heykəltəraş Ceff Kunsun 2001-ci ildə 7,5 milyon dollar dəyərində qiymətləndirilən heykəlidir. Qızılla örtülmüş çini heykəlcikdə müğənni və onun sevimli ev heyvanı olan şimpanze Bubbles təsvir olunub. Pop kralından ilham alan Kuns ilk dəfə 1988-ci ildə sərgisi üçün sənət obyekti yaratdı. Həmin vaxt Ceksonun bəzi pərəstişkarları müğənninin xarici görünüşünün çox da oxşamaması barədə mənfi fikirlər səsləndirmişdilər. Lakin rəssamın özü bu əsəri çox sevir.
Maykl Cekson qeyri-adi avtomobilləri sevməsi ilə tanınırdı. Onun böyük kolleksiyasına fayton və Rolls Royce limuzini daxil idi. Limuzinin salonunu müğənninin özü hazırlayıb.
Bu gün məşhur “ay gəzintisi”ndən düz 40 il keçir. 1983-cü ildə Maykl Cekson "BillieJean" mahnısı üçün böyük kristallarla bəzədilmiş ağ corabda səhnəyə çıxdı. Bir neçə il əvvəl müğənninin çoxlu əşyalarının satıldığı hərracda bir cüt corab 2 milyon dollar dəyərində qiymətləndirilmişdi.
