Dünyada telefon satışları artdıqca, reklam və monitorinqdə də artım əhəmiyyətli səviyyələrə yüksəldi.
İndex.az xəbər verir ki, “Samsung” və digər smartfon markaları “Amazon” kimi müxtəlif platformalarla əməkdaşlıq edir, öz cihazlarını bu platformalarda satışa təqdim edir və haqsız rəqabət aparır.
Hindistanda ortaya çıxanlara görə, “Samsung”, “Xiaomi” və bir çox başqa marka bu səbəbdən nəzarət altına alınıb.
Bildirilib ki, “Amazon” və “Flipkart” kimi platformalarla əməkdaşlıq edən və seçilmiş cihazları yalnız bu platformalar vasitəsilə satan şirkətlər Hindistanda etimad və rəqabət qanunlarını pozur. Bu ittihamlarla üzləşən telefon istehsalçılarını çətin günlər qabaqda ola bilər.
Yeni ortaya çıxan hesabatlara görə, “Samsung”, “Motorola”, “Realme”, “OnePlus”, “Vivo” və “Xiaomi” seçilmiş smartfonları satışa çıxarmaq üçün “Amazon” kimi onlayn pərakəndə platformalarla əməkdaşlıq ediblər. Bununla da saytlar müsabiqəyə son qoyub və bütün istifadəçiləri öz saytlarına cəlb ediblər. Ona görə də haqsız rəqabət yaranıb və bazara inam azalıb.
Hindistan Rəqabət Komissiyası (CCI) tərəfindən aparılan araşdırmalar nəticəsində məlum olub ki, “Samsung” və digər markalar müəyyən pərakəndə satıcılara üstünlük verərək qanunu pozurlar.
Bu cür prioritetlər, xüsusilə texnoloji tərəfdə haqsız rəqabətə səbəb olur. Təqsirləndirilən bəzi brendlərdən 2024-cü il də daxil olmaqla üç maliyyə ili üçün qeydlər təqdim etmələri istənilib. Tam araşdırmadan sonra bu markalara ağır cərimələr tətbiq oluna bilər.
