Bazar araşdırması şirkəti “CCI Insight” ikinci əl telefon bazarı ilə bağlı son araşdırmasının nəticələrini paylaşıb.
İndex.az xəbər verir ki, araşdırma nəticəsində məlum olub ki, qlobal ikinci əl telefon bazarı iki marka vasitəsilə fəaliyyət göstərir.
Bu markalar, təxmin etdiyiniz kimi, “Apple” və “Samsung” idi. İkinci əl telefon bazarında iki markanın ümumi payı yüzdə 80 olub. “Xiaomi”, “Huawei”, “Vivo”, “OPPO”, “Realme” kimi digər markaların ümumi bazar payı cəmi 20% səviyyəsində qalıb.
Yuxarıdakı cədvəldə gördüyünüz kimi, ikinci əl telefon bazarının lideri hələ də “Apple” şirkətidir. “Samsung” siyahıda ikinci yerdə olsa da, zirvədən çox uzaqdır. Belə görünür ki, digər brendlər bir araya gəlsələr belə, “Apple”ə çata bilmirlər.
2024-cü ilin ikinci rübü üçün aparılan araşdırma da ikinci əl telefon qiymətlərinin azaldığını ortaya çıxarıb. Bu çərçivədə orta qiymət 13 faiz azalıb. Bazarın ümumi həcmi 7,7 milyard dollar olaraq qeyd edildi.
