Ukrayna Xarici İşlər Nazirliyinin (XİN) nümayəndəsi Georgi Tixi “Financial Times”ın (FT) respublika rəsmilərinin Rusiya ilə barışıq bağlamaq üçün ərazilərin itirilməsini tanımağa razılıq verməsi barədə məlumatı təkzib edib.
Publika.az xəbər verir ki, onun sözlərini diplomatik departament öz “Telegram” kanalında dərc edib.
"Financial Times” mənbəsinin nazirin kompromisləri müzakirə etməsi ilə bağlı məlumatı sadəcə olaraq yalandır və bizi bu cür yalan xəbərlərin yayılmasında kimlərin maraqlı oması təəccübləndirir", - Tixi deyib.
Onun sözlərinə görə, ərazi güzəştləri məsələsində mövqeyi dəyişməz olan Ukraynanın xarici işlər naziri Andrey Sibiqanın hər görüşündə iştirak edib.
