Vaşinqton bildirib ki, İranın İsrailə hücumu yaxın saatlarda başlayacaq. Birləşmiş Ştatlar İsrailə dəstək vəd edib və Tehranı “ciddi nəticələrlə” hədələyib.
ABŞ-da İranın İsrailə qarşı hazırladığı raket hücumu ilə bağlı məlumat var. Bu barədə çərşənbə axşamı, oktyabrın 1-də DPA agentliyi Ağ Evin adı açıqlanmayan yüksək rütbəli rəsmisinə istinadən məlumat yayıb. "Biz İsraili bu hücumdan qorumaq üçün müdafiə hazırlıqlarını fəal şəkildə dəstəkləyirik. İranın İsrailə birbaşa silahlı hücumu İran üçün ağır nəticələrə səbəb olacaq", - deyə rəsmi bildirib.
ABŞ-ın İsraildəki səfirliyi işçilərinə aylar sonra ilk dəfə evə qayıtmağı və bomba sığınacaqlarına sığınmağa hazır olmağı əmr edib. Yüksək səviyyəli İsrail rəsmisi ABŞ-ın Axios nəşrinə bildirib ki, son kəşfiyyat hücumun yaxın bir neçə saat ərzində həyata keçiriləcəyini göstərir. Onun sözlərinə görə, ABŞ-dan xəbərdarlıq yerli vaxtla günorta radələrində gəlib.
İranın İsrailə qarşı gözlənilən hücumu barədə məlumat, İsrail Müdafiə Qüvvələrinin (IDF) Tehranın dəstəklədiyi radikal şiə hərəkatı Hizbullahın infrastrukturunu məhv etmək məqsədi ilə Livanın cənubunda “məhdud quru əməliyyatı” başlatmasından 24 saatdan az bir müddət sonra gəldi.
