Oktyabrın 4-də Ailə, Qadın və Uşaq Problemləri üzrə Dövlət Komitəsinin sədri Bahar Muradova Yardımlı və Masallı rayon sakinlərinin müraciətlərini dinləyib.
Dövlət Komitəsindən Doğru.az-a bildirilib ki, qəbuldan öncə Ümummilli Lider Heydər Əliyevin abidəsi ziyarət edilərək önünə gül dəstələri qoyulub, görkəmli dövlət xadiminin əziz xatirəsinə dərin ehtiram ifadə olunub.
Qeyd edilib ki, Dövlət Komitəsinin aidiyyəti struktur bölmə rəhbərinin də iştirakı ilə keçirilən qəbulda vətəndaş müraciətləri sırasında ailədaxili münasibət, uşaqla ünsiyyət, işlə təmin olunma, məişət zorakılığı və digər məsələlər yer alıb.
Qəbulda hər bir vətəndaşın müraciəti dinlənilib, qaldırılan məsələlərin hərtərəfli öyrənilməsi və qısa müddətdə həll edilməsi üçün müvafiq tapşırıqlar verilib. Həlli araşdırma tələb edən müraciətlər qeydə alınaraq, icraata götürülüb.
DOĞRU.AZ
