Oktyabrın 5-də Bakı Ekspo Mərkəzində keçirililən X Bakı Beynəlxalq Kitab Sərgisi çərçivəsində yazıçı Vasif Qurbanzadənin "Canavar qulağı" (savaş hekayələri) kitabının imza saatı baş tutub.

Reyting.az-ın məlumatına görə, kitabda müəllifin 44 günlük Vətən mühabribəsi zamanı şahid olduğu hadisələrdən təsirlənərək qələmə aldığı hekayələr yer almış, vətən müharibəsinin qəhrəmanlıq səhnələri bədii təsvirlə oxucuların ixtiyarına verilmişdir.

“İpəkyolu” nəşriyyatının təqdim etdiyi kitab Azərbaycan Ordusunun fədakarlığı, xalqımızın birlik və həmrəyliyinin ifadəsi baxımından olduqca əhəmiyyətlidir.