“Rusiyaya məlumdur ki, Kiyev Qərb ölkələrinin köməyi ilə Xüsusi Hərbi Əməliyyat (müharibə - red.) zonasında zəhərli kimyəvi maddələrdən istifadə etməklə Rusiya Federasiyasına qarşı silsilə təxribatlar törətməyi planlaşdırır”.
Yeniavaz.com xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Kiyev rejiminin kimyəvi silahdan istifadə etməsi ilə bağlı iddiaları şərh edərkən deyib.
“Kollektiv Qərbin yaratdığı cəzasızlıq mühiti Kiyev rejiminə zəhərli kimyəvi maddələrin istifadəsi ilə bağlı daha irimiqyaslı cinayətlər törətmək imkanı verir. Bizə məlumdur ki, Ukrayna tərəfi Qərb ölkələrinin fəal köməyi ilə Xüsusi Hərbi Əməliyyat zonasında Rusiyaya qarşı yönəlmiş bir sıra təxribatlar törətməyi planlaşdırır. Hazırda onlar Rusiya Federasiyasını hərbi əməliyyatların aparılması zamanı Kimyəvi Silahların Qadağasına dair Konvensiya müddəalarını pozmaqda ittiham etmək məqsədi ilə sübutlar bazasının saxtalaşdırılmasına yönəlmiş bir sıra tədbirlər hazırlayır və həyata keçirirlər”, - Zaxarova deyib.

• Rusiya
• Müharibə
• Kiyev
• Təxribat
• Zəhərli Maddələr
• Kimyəvi Silah
• Xhə Zonası