COP29-un müəyyən edilmiş prezidenti, Azərbaycanın ekologiya və təbii sərvətlər naziri Muxtar Babayev Pre-COP29 konfransı çərçivəsində COP28, COP29 və COP30 sədrliklərinin birgə təşkilatçılığı ilə keçirilən TROİKA ölkələrinin “1,5 dərəcə Selsi missiyası üçün Yol xəritəsi” mövzusunda yan tədbirdə noyabrda Bakıda gerçəkləşəcək iqlim konfransı çərçivəsində İnsan İnkişafı Gününün reallaşdırılacağını deyib.
Onun sözlərinə görə, indi fəaliyyətə keçmək vaxtıdır: “Azərbaycan beynəlxalq əməkdaşlığı müxtəlif səviyyələrdə təşviq etməyə çalışır. Bizim bununla bağlı əsas öhdəliyimiz ambisiyaların genişlənməsi və şəffaflığın qorunması kimi məsələlərdir”.
