Şimali Koreya hərbçiləri Rusiya tərəfində münaqişədə iştirak edərsə, Vaşinqton Ukrayna Silahlı Qüvvələrinin Amerika silahlarından istifadəsinə məhdudiyyətlər tətbiq etməyəcək...
Poliqon xəbər verir ki, bunu Pentaqonun mətbuat katibinin müavini Sabrina Sinq bildirib.
“Birləşmiş Ştatlar Ukraynanı dəstəkləməyə və təhlükəsizlik yardımını artırmağa sadiqdir”, deyə xanım Sinq bildirib. Pentaqon rəsmisi qeyd edib ki, Ağ Evin mövqeyi dəyişməz qalacaq və bu mövqe döyüş bölgəsində baş verən hadisələrdən asılı deyil.
Amerika müdafiə departamentinin nümayəndəsinin sözlərinə görə, Şimali Koreya müharibədə iştirak etmək üçün artıq Rusiyaya 10 minə yaxın hərbçi göndərib.
Xatırladaq ki, Qərb liderləri bu inkişafı nəzərə alaraq Ukraynada vəziyyətin mümkün gərginləşməsindən narahat olduqlarını bildiriblər. Onların fikrincə, bu tədbirlər Hind-Sakit okean regionunda da vəziyyəti çətinləşdirə bilər.
Bir gün əvvəl, oktyabrın 28-də NATO-nun baş katibi Mark Rutte bildirib ki, artıq Kursk bölgəsində Şimali Koreya hərbçilərindən ibarət bölmələr yerləşdirilib. Rusiya və Şimali Koreya bu məlumatı təkzib edib.
Poliqon.info
