Fransanın Stellantis avtomobil konserninin (keçmiş Fiat və PSA) xalis gəliri ilk üç rübdə (yanvar-sentyabr) illik müqayisədə 18% azalaraq 117 milyard 977 milyon avroya düşüb.
Marja xəbər verir ki, üçüncü rübdə isə şirkətin gəliri illik müqayisədə 29% azalaraq 33 milyard avro təşkil edib. Stellantis bu dinamikanı əlverişsiz amillərin, o cümlədən tədarükün azalması və xarici valyuta məzənnələrinin təsiri ilə izah edir. Proqnoz 36,08 milyard dollar idi.
Şimali Amerikada üçüncü rübdə gəlir 42% azalaraq 12 milyard 425 milyon avroya düşüb,
Eyni zamanda, fiziki ifadədə ümumi məhsul tədarükləri bu üç ayda 20% azalaraq 1 milyon148 min nəqliyyat vasitəsinə, ilin əvvəlindən isə 13% azalaraq 4 milyon 2 min ədəd təşkil edib.
Stellantis 2021-ci ildə İtaliya-Amerika avtomobil istehsalçısı Fiat Chrysler Automobiles-in (FCA) Fransanın Groupe PSA şirkəti ilə birləşməsi nəticəsində yaradılmış avtomobil korporasiyasıdır. Alfa Romeo, Chrysler, Citroen, Dodge, Fiat, Jeep, Maserati, Opel, Peugeot Korporasiyanın brendləridir.
