Türkiyənin Xarici İşlər naziri Hakan Fidan, Türkiyə-Afrika Tərəfdaşlığının 3-cü Nazirlər Konfransında iştirak etmək üçün Cibutiyə səfər edəcək. 14 Afrika ölkəsinin qatılacağı konfransda Türkiyə-Afrika əlaqələrinin gələcək 5 illik strategiyası və yol xəritəsi müəyyənləşdiriləcək.
Diplomatik mənbələrdən əldə edilən məlumata görə, Türkiyə 2008-ci ildən bəri Afrika Birliyinin 9 strateji tərəfdaşından biridir. Bu çərçivədə mütəmadi olaraq Türkiyə-Afrika Tərəfdaşlıq Sammitləri keçirilir. Bu sammitlərdə Türkiyə-Afrika əlaqələrinin gələcəyinə dair strategiyalar və planlar hazırlanır. Sonuncu sammit 2021-ci ilin dekabrında İstanbulda keçirilib, növbəti sammitin isə 2026-cı ildə bir Afrika ölkəsində baş tutması gözlənilir.
Nazirlər səviyyəsində keçirilən konfrans, sammitdə qəbul edilən qərarların nəzərdən keçirilməsi məqsədini güdür.
