İran İslam Respublikası və Azərbaycan Respublikası Xəzər dənizində “Sülh və dostluq naminə əməkdaşlıq” şüarı ilə AZİREX-2024 birləşmiş yardım və xilasetmə təlimi keçirəcək.
“Poliqon”un İRNA Xəbər Agentliyinə istinadən verdiyi məlumata görə, Xəzər dənizində birləşmiş yardım və xilasetmə təliminin əsas mərhələsi sabah İran İslam Respublikası və Azərbaycan Respublikası Hərbi Dəniz Qüvvələrinin iştirakı ilə İran Hərbi Dəniz Qüvvələrinin Şimal Donanmasının ev sahibliyi ilə keçiriləcək.
Məlumatda bildirilib ki, bu təlimin keçirilməsində məqsəd regionda dayanıqlı kollektiv təhlükəsizliyi və onun əsaslarını möhkəmləndirmək və iştirakçı ölkələr arasında çoxtərəfli əməkdaşlığı genişləndirmək, həmçinin bu ölkələrin sülh, dostluq və dəniz təhlükəsizliyinə birgə dəstək verməsi istiqamətində xoş iradə və bacarıqlarını nümayiş etdirməkdir.
