Dünən Ay və Marsda gələcək missiyalarda taxtadan istifadəni yoxlamaq üçün yapon alimlər tərəfindən qurulan ilk növ taxta peyk kosmosa buraxılıb. LignoSat adlanan 10 santimetrlik kubmetri Kyoto Universiteti taxta istehsalı şirkəti Sumitomo Forestri ilə birgə hazırlayıb.
Hafta.az-ın yazdığına görə, onun SpaceX raketi ilə Beynəlxalq Kosmik Stansiyaya göndəriləcəyi və daha sonra Yerdən təxminən 400 kilometr yüksəklikdəki orbitə buraxılacağı gözlənilir.
Tədqiqatçılar maqnoliya ağacından hazırlanmış peykin davamlı olduğunu və təhlükəli kosmik mühitə tab gətirə biləcəyini söyləyirlər.
Yapışqan və vintlər istifadə edilmədən ənənəvi yapon sənətkarlığı üsulları ilə inşa edilən peykin tikintisində istifadə olunan davamlı materiallar və texnikanın kosmosdakı zibillərin azaldılmasına kömək edə biləcəyini bildirirlər.
Kyoto Universitetinin professoru Takao Doi “Reuters” agentliyinə deyib: "Biz özümüzün istehsal edə biləcəyimiz bir material olan taxta ilə evlər tikə, kosmosda əbədi yaşaya və işləyə bilərik. Gələcəkdə Ay və Mars da daxil olmaqla, kosmosda ağacdan istifadə edərək insan yaşayış yerləri qurmağı hədəfləyirik. Taxta kosmosda Yerdəkindən daha davamlı ola bilər, çünki orada onun çürüməsinə və ya alovlanmasına səbəb olacaq oksigen və ya su yoxdur”.
Hesab olunur ki, taxtanın istifadəsi artan kosmik zibil problemi ilə də mübarizə apara bilər.
Tədqiqatçıların fikrincə, istismardan çıxarıldıqda taxta peyklər Yer atmosferində ənənəvi metal peyklərə nisbətən daha asan yanar.
"Gələcəkdə metal peyklərə qadağa qoyula bilər. Əgər ilk taxta peykimizin işlədiyini sübut edə bilsək, onu İlon Maskın SpaceX şirkətinə təklif etmək istəyirik", - Doi deyir.
Pioner peyk kosmosa buraxıldıqdan sonra 6 ay orbitdə qalacaq. Peykin elektron komponentləri odunun temperaturun saatdan saata geniş şəkildə dəyişə biləcəyi ekstremal kosmik mühitə nə dərəcədə tab gətirdiyini ölçəcək.
Tədqiqatçılar peykin kosmosda necə davranması, məsələn, materialın daxili temperaturu və maqnit xassələrindəki dəyişikliklər, eləcə də aşağı çəkisi olan mühitlərdə genişlənmə və büzülmə miqdarı kimi məlumatları toplamağa ümid edirlər.
"Bu köhnəlmiş görünə bilər, lakin sivilizasiya Aya və Marsa doğru irəlilədiyi üçün ağac əslində ən qabaqcıl texnologiyadır" deyib Dr. Doi.
