“Sabah”ın 19 yaşadək futbolçulardan ibarət komandası (U-19) bu gün UEFA Gənclər Liqasında növbəti oyununu keçirib.
Arena.az xəbər verir ki, Azərbaycan çempionu UEFA Gənclər Liqasının Çempionlar yolunun 2-ci mərhələsi çərçivəsində “Bazel”lə görüşüb.
Bu komandalar arasında Bakıda baş tutan cavab oyunu daha çox formal xarakter daşıyıb. Səfərdə 0:6 hesabı ilə uduzmuş təmsilçimiz möcüzə arzusunda olsa da, bu dəfə də məğlub olub. Hər hissənin sonunda 1 qol vuran İsveçrə təmsilçisi 2:1 hesabıyla qalib gəlib. Bakı klubunun heyətində yeganə qolu 89-cu dəqiqədə Anar Hüseynov vurub.
UEFA Gənclər Liqası
Çempionlar yolu
2-ci mərhələ, cavab oyunu
6 noyabr
“Sabah” – “Bazel” 1:2
Qollar: Anar Hüseynov, 89 – Eliah Cordan, 37. Aqon Reçhay, 85
Baş hakim: Rustam Omarov (Qazaxıstan).
Bakı. “Bayıl Arena”.
İlk oyun – 0:6.
